Nature desirant faire un couple d’Amys
De perfecte Amytié, oeuvre en perfection,
En un mesme lieu ensemble vous a mis,
Faisant de vos deux Cueurs, en un, conjunction.
Mesme temps, mesme lieu, mesme habitation,
Mesme meurs, mesme Esprit et mesme Age l’empare,
Un cas tant seulement l’un de l’aultre separe :
L’un grand en Medecine, et l’autre en Eloquence.
Pour declairer en vous profession dispare,
Une lettre, à vos Noms, a mis la difference.